August 8th, 2012

звычайная

Эміграцыйная гісторыя ў асобах. 8 жніўня. Аляксандр Надсан. Фотаальбом

Аляксандр Надсан, да эміграцыі Бочка (нар. 08.08.1926, в. Гарадзея (сёння Нясвіжскі р-н Мінскай вобл.)), грэка-каталіцкі святар, грамадскі дзеяч, апостальскі візітатар для беларусаў-каталікоў у замежжы. Вучыўся ў Нясвіжскай настаўніцкай семінарыі. Скончыў курсы малодшых кіраўнікоў СБМ у Альбярціне. У чэрвені 1944 г. стаў курсантам Мінскай афіцэрскай школы БКА. Летам 1944 г. быў далучаны да 30-й грэнадзёрскай дывізіі СС, перайшоў на бок саюзнікаў, затым служыў у 2-м Польскім корпусе ў Італіі, дзе браў удзел у баявых дзеяннях і быў паранены. У 1946 г. прыбыў у Вялікабрытанію. Адзін з заснавальнікаў ЗБВБ, рэдактар яго часопісаў “Беларус на чужыне” і “На шляху”, старшыня арганізацыі ў 1951–1953 гг. Быў адным са стваральнікаў БХАА “Жыццё”, БАКА “Рунь”, а таксама Беларускага незалежніцкага народна-хрысціянскага руху. Скончыў матэматычны факультэт Лонданскага ўніверсітэта. Увосень 1953 г. паехаў вучыцца ў Грэцкую калегію ў Рыме. 23 лістапада 1958 г. атрымаў свячэнні святара ўсходняга абраду. У ліпені 1959 г. вярнуўся ў Вялікабрытанію. Працаваў выкладчыкам матэматыкі ў Нотынгеме і ажыццяўляў душпастырскую дзейнасць у Цэнтральнай і Паўночнай Англіі. Ад 1961 г. стаў адным з кіраўнікоў беларускай школы імя Кірылы Тураўскага ў Лондане. Ад 1971 г. кіраваў Беларускай бібліятэкай-музеем імя Ф. Скарыны. Актыўна ўдзельнічаў у працы ЗБВБ, Харытатыўнай секцыі, Англа-беларускага таварыства. У 1981 г. стаў на чале Беларускай каталіцкай місіі ў Вялікабрытаніі. 30 чэрвеня 1986 г. быў прызначаны на пасаду апостальскага візітатара для беларусаў-каталікоў у замежжы. Стваральнік і кіраўнік Камітэта дапамогі ахвярам радыяцыі. Аўтар шэрагу перакладаў літургічных тэкстаў на беларускую мову, публікацыяў з гісторыі беларускай царквы і культуры. Ганаровы доктар Еўрапейскага гуманітарнага ўніверсітэта.

Шчыра віншую айца Аляксандра з народзінамі. Дзякую яму за ягоную дапамогу і падтрымку. Зычу здароўя і спадзяюся на хуткае спатканне :)

З нагоды ж народзінаў айца Аялксандра ўзгадала, што маю шмат ягоных здымкаў, то зрабіла невялічкі фотаальбом.

185
а. Аляксандар Надсан

120
Зьлева направа: невядомы, Вінцэнт Жук-Грышкевіч, Аляксандар Надсан. Лёндан. 1949 г.

Collapse )
звычайная

Эміграцыйная гісторыя ў асобах. 8 жніўня. Мікалай Лапіцкі і Вячаслаў Селях-Качанскі

У гэты дзень у 1976 г. памерлі два беларускія дзеячы ў ЗША: айцец Мікалай Лапіцкі і Вячаслаў Селях-Качанскі. І пахаваныя яны на Саўтрыверскіх беларускіх могілках у адным шэрагу.

МІКАЛАЙ ЛАПІЦКІ (13.12.1907, в. Грэлікі (сёння Вялейскі р-н Мінскай вобл.) — 08.08.1976, Глэн-Спэй, Нью-Ёрк, ЗША), рэлігійна-грамадскі дзеяч, праваслаўны святар, педагог. Скончыў тэалагічны факультэт Варшаўскага ўніверсітэта, абараніў магістарскую дысертацыю “Праваслаўе ў ВКЛ у часы вялікага князя Ягайлы”. Працаваў у прыходах у Ашмянах, Стэфанпалі Дзісненскага павета. Падчас нямецкай акупацыі жыў у Мінску, быў актыўным прыхільнікам БАПЦ. Ад 1944 г. — на эміграцыі. Настаяцель царквы Св. Ефрасінні Полацкай у Рэгенсбургу — першай беларускай царквы на Захадзе. Выкладаў у Беларускай гімназіі імя Я. Купалы. У 1950 г. выехаў у ЗША. Арганізаваў парафію ў Св. Ефрасінні Полацкай у Саўт-Рыверы і быў яе настаяцелем у 1950—1976 гг. Рэдактар часопіса “Царкоўны светач”. У 1960—1970-х узначальваў ЗБАДК, браў удзел у кангрэсах беларусаў Амерыкі, уваходзіў у кіраўнічыя структуры БККА.
IMG_4399
Lapicki1
Кніга ягоных лістоў выйшла ў 2005 г.(У служэньні Богу й Беларусі / Укл., прадм., камэнт. Ю. Гарбінскага. Нью Ёрк — Варшава, 2005. — 672 с. ) Яе можна ўбачыць тут: http://zbsb.org/lib/index.php?option=com_alblib&view=article&id=419

ВЯЧАСЛАЎ СЕЛЯХ (на эміграцыі першы час быў Усевалад Качанскі, часам пісаўся Селях-Качанскі, 15.12.1885, Лагойск — 08.08.1976, Саўт-Рывер, ЗША), оперны спявак, тэатральны і грамадскі дзеяч. Скончыў Маладзечанскую настаўніцкую семінарыю. У 1910 г. паступіў у оперны клас Пецярбурскай кансерваторыі. У 1915 г. выбраны з 300 прэтэндэнтаў у Марыінскі імператарскі тэатр. Спяваў у “Князю Ігару”, “Рыгалета”, “Дэману”, “Барысу Гадунову”, сумесна з вядомым расійскім спеваком Фёдарам Шаляпіным — у “Хаваншчыне” і “Кармэн”. У 1925 г. пераехаў у Мінск, дзе працаваў выкладчыкам у музычным тэхнікуме і кіраваў музычнай секцыяй пры Інстытуце беларускай культуры. Паставіў першую оперу па-беларуску — “Русалка”. Ад 1927 г. быў дырэктарам БДТ-1 (сёння Купалаўскі тэатр). У 1933 г. рэпрэсаваны. Па вызваленні жыў у Ленінградскай вобласці. У 1943 г. вярнуўся ў Беларусь, працаваў кіраўніком аддзела культуры і мастацтва пры БНС, потым узначальваў аддзел культуры ва ўрадзе БЦР. Ад 1944 г. — на эміграцыі. У Нямеччыне стварыў тэатральна-мастацкую групу “Жыве Беларусь”, з якой гастраляваў па беларускіх асяродках. У 1950 г. выехаў у ЗША. Жыў у Саўт-Рыверы, браў удзел у жыцці мясцовай беларускай грамады. Належаў да БККА.

IMG_4354