Наталля (hardzin) wrote,
Наталля
hardzin

Эміграцыйная гісторыя ў асобах. 9 жніўня. Янка Запруднік

ЯНКА ЗАПРУДНІК (да эмігр. Сяргей Вільчыцкі нар. 09.08.1926, м. Мір (сёння Карэліцкі р-н Гарадзенскай вобл.)), грамадскі дзеяч, гісторык, публіцыст. Падчас Другой сусветнай вайны вучыўся ў гандлёвай школе ў Баранавічах, быў сябрам СБМ, запісаўся ў дапаможную службу Люфтвафэ і апынуўся ў Нямеччыне. Пасля капітуляцыі апынуўся ў беларускім лягеры DP у Рэгенсбургу, вучыўся ў Беларускай гімназіі ім. Я. Купалы. У 1948 г. з “Дванаццаткай” выехаў у Вялікабрытанію. Працаваў у вугальных капальнях. Быў сябрам ЗБВБ, а таксама Згуртавання беларускіх камбатантаў і БХАА “Жыццё”. У 1950 г. выехаў на навучанне ў Бельгію. У 1954 г. скончыў гістарычны факультэт Лювенскага ўніверсітэта. У 1954—1957 гг. працаваў у беларускай рэдакцыі радыё “Вызваленне” ў Мюнхене, супрацоўнічаў з газетай “Бацькаўшчына”. У 1957 г. выехаў у ЗША, дзе да 1991 г. працаваў у нью-ёркскай рэдакцыі радыё “Свабода”. У 1981–1995 гг. быў галоўным рэдактарам газеты “Беларус”. У 1969 г. у Калумбійскім універсітэце (Нью-Ёрк) абараніў доктарскую дысертацыю “Палітычная барацьба за Беларусь у царскіх Дзяржаўных думах (1906—1917). У 1967—1975 гг. чытаў курс гісторыі Беларусі ў Куінс-каледжы Нью-ёркскага ўніверсітэта, а таксама Калумбійскім універсітэце. Аўтар 7 кніг, 11 брашураў і сотняў артыкулаў па гісторыі Беларусі. Сярод іншага выдаў кнігу, прысвечаную гісторыі “Дванаццаткі”. Уваходзіць у кіраўніцтва Беларуска-амерыканскага задзіночання і Беларускага інстытута навукі і мастацтва, прэзідыум Рады БНР, управу фундацыі ім. П. Крачэўскага.

Zaprudnik
Янка Запруднік на канферэнцыі ў Канадзе. 1971 г.

Zaprudnik-Arsienniewa
Наталля Арсеннева і Янка Запруднік

Dvanaccatka
Знакамітая "Дванаццатка" ў Лондане. Янка Запруднік стаіць другі справа

Дзякую спадару Янку за падтрымку і дапамогу! Віншую з народзінамі і зычу здароўя ды яшчэ доўгіх гадоў плённай працы.
Чакаем выхаду новай кнігі.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments