Наталля (hardzin) wrote,
Наталля
hardzin

Эміграцыйная гісторыя ў асобах. 13 жніўня. Аўген Кавалеўскі

АЎГЕН КАВАЛЕЎСКІ (07.01.1921, Масква—13.08.1963, Парыж), тэатральны дзеяч, драматург. Неўзабаве па нараджэньні сына сям’я вярнулася ў Менск, дзе ў 1930-х гг. бацька быў рэпрэсаваны. Кавалеўскі скончыў сярэднюю школу №45 г. Менску. Яшчэ ў школьныя гады браў удзел у дзіцячых пастаноўках Тэатра Юнага гледача. Пазьней, па рэкамэндацыі Еўсьцігнея Міровіча накіраваўся у школу пры беларускім Дзяржаўным Драматычным тэатры. Вайна перарвала навучаньне.
У 1944 г. А. Кавалеўскі зьехаў зь Беларусі ў Нямеччыну. Жыў у лягерах ДП ў Рэгенсбургу, Міхельсдорфе, Остэргофэне. Арганізаваў з прафэсійных актораў на эміграцыі ансамбаль песьні й танца “Жыве Беларусь!”, пазьней ператвораны ў Тэатар Эстрады, які езьдзіў з гастролямі па розных ДП лягерах. У 1947 г. у Міхельсдорфе А. Кавалеўскі выдаў адмысловы “Кароткі курс навучаньня актора”. Пісаў таксама апавяданьні, фэльетоны й п’есы, якія публікаваліся як на старонках эміграцыйных часопісаў “Сакавік”, “Моладзь”, “Напагатове” і інш., гэтак і выходзілі асобнымі выданьнямі “Вясновы жук” (Амберг—Рэгенсбург, 1946), “Лекар мімаволі” (Рэгенсбург, 1946), “Ліхадзейка” (Міхельсдорф, 1946), “Шапка няўгледка” (Міхельсдорф, 1947),”Блакітная Вілія” (Остэргофэн, 1948), “Госьці з Тунісу” (Міхельсдорф, 1948), “Случчакі” (Парыж, 1949).
У 1949 г. А. Кавалеўскі перабраўся ў Францыю, дзе быў вымушаны працаваць у парыскай кравецкай майстэрні. На пачатку 1950-х гг. быў сакратаром і кіраўніком аддзелу культуры Галоўнай Управы Беларускай Незалежніцкай Арганізацыі Моладзі ў Францыі. Памёр у 1963 г. у Парыжы (або Руане, паводле М. Панькова).

Kavaleuski
У хаце маю шмат ягоных тэкстаў, рукапісаў, але ніяк не даходзяць рукі, каб упарадкаваць ды зрабіць з гэтага хоць невялікі зборнік. Урывак з адной з ягоных аповесцяў можна знайсці тут: http://zbsb.org/lib/index.php?option=com_alblib&view=article&id=381
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments