Наталля (hardzin) wrote,
Наталля
hardzin

Эміграцыйная гісторыя ў асобах. 14 жніўня. Эдвард Будзька, Бударкевіч, Бурак

ЭДВАРД (АДВАРДЫ) БУДЗЬКА (22.03.1882, м. Будслаў Вялейскага пав. (сёння Мядзельскі р-н Мінскай вобл.) — 14.8.1958, Чыкага, ЗША), грамадскі дзеяч, паэт, публіцыст і выдавец. Вучыўся ў Рыжскім політэхнічным інстытуце. Друкаваўся ў газеце “Наша ніва”. Удзельнік Першага Усебеларускага кангрэсу 1917 г. 8 чэрвеня 1918 г. для каардынацыі дзейнасці ў справе вяртання бежанцаў быў накіраваны Народным сакратарыятам Беларусі ў Вільню. У 1918 г. быў адным з арганізатараў Будслаўскай беларускай гімназіі. Па яе закрыцці ў 1919 г. займаўся арганізацыяй беларускай кааперацыі. У 1921—1940 гг. жыў у Літве і Латвіі. Заснаваў курсы беларусазнаўства. У часе нямецкай акупацыі Беларусі працаваў настаўнікам у Мінску і Баранавічах. Ад лета 1944 г. на эміграцыі ў Нямеччыне, пазней пераехаў у ЗША. Жыў у Чыкага.
Не знайшла ў сябе ягонага здымку ці нейкіх дакументаў, але ведаю, што, прыкладам, ягоныя ўспаміны пра Алеся Гаруна можна знайсці тут: http://zbsb.org/lib/index.php?option=com_alblib&view=article&id=569

Акрамя таго, гэты дзень звязаны з імёнамі двух брытанскіх беларусаў.
Павал БУДАРКЕВІЧ (нар. 14.08.1922). Нарадзіўся ў в. Турэц Стаўпецкага павету (сёньня Карэліцкі р-н Гарадзенскай вобл.). У часе Другой сусьветнай вайны служыў у беларускай паліцыі парадку, у 1944 г. трапіў у 30-ю грэнадэрскую дывізію СС, перайшоў на бок саюзьнікаў, потым служыў у 2-м Польскім корпусе. У Вялікабрытаніі з 1946 г. Пасяліўся ў Лёндане. Ад 25.01.1947 быў сябрам ЗБВБ, аднак далучыўся да апазыцыі і ў 1948 г. стаў сябрам ХАБР. Уваходзіў у Часовую управу, пазьней быў сябрам Галоўнай управы, рэгулярна абіраўся на пасаду скарбніка. Уваходзіў у рэдкалегію часопіса “Аб’еднаньне”. Актывіст парафіі Сьв. Эўфрасіньні Полацкай у Лёндане.
АНАНІ БУРАК (нар. 14.08.1918). Служыў у Арміі Андэрса, разам зь якой апынуўся ў Вялікабрытаніі. Ад 02.02.1947 быў сябрам ЗБВБ, аднак далучыўся да апазыцыі і ў траўні 1948 г. быў пазбаўлены сяброўства. Жыў у Лёндане. Быў сябрам ХАБР, потым стаў актывістам парафіі Сьв. Эўфрасіньні Полацкай у Лёндане.
Гэта быў чалавек, які фармальна сарваў правядзенне агульнага з'езду ЗБВБ у 1948 г. і прычыніўся да канчатковага расколу арганізацыі.
PrychodEufrPolackajLondan
На здымку Прыход Св. Ефрасінні Полацкай у Лондане. Здымак зроблены ўжо ў 2000-х.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments