Наталля (hardzin) wrote,
Наталля
hardzin

Эміграцыйная гісторыя ў асобах. 18 жніўня. Віктар Тур, Міхась Ёкша

ВІКТАР ТУР (нар. 18.08.1954). Нарадзіўся ў Лёндане. Сын Васіля Тура. Ад 1962 г. да 1971 г. быў вучнем школы Сьв. Кірылы Тураўскага. Ад 25.11.1972 быў сябрам ЗБВБ, уваходзіў у Лёнданскі аддзел. У 1971–1972 гг. удзельнічаў у беларускай моладзевай музычнай групе “Сакавік”, якая прадстаўляла беларусаў у міжнародных канцэртах. У 1979 г. быў сябрам суполкі “Беларуская Моладзь” у Лёндане. Пазьней зьехаў у ЗША, дзе стаў актыўным удзельнікам беларускага жыцьця.

Найбольш цікавы для мяне сюжэт з біяграфіі гэтага чалавека - тое, што ён быў вучнем беларускай школы-інтэрната для хлапцоў у Лондане. Гэта наогул быў унікальны праект, варты, як мне здаецца, пільнай увагі даследчыкаў. Цікава было б некалі сабраць успаміны вучняў гэтага інтэрнату. Я сустракалася пакуль толькі з адным...

ViktarTur
Віктар Тур у часе навучання ў школе-інтэрнаце імя Св. Кірылы Тураўскага

ViktarTurEdwardWalsh
Эдвард Уолш (яшчэ адзін вучынь школы), а. Роберт Тамушанскі, біскуп Часлаў Сіповіч, Віктар Тур у часе вандроўкі ў Рым.

МІХАСЬ ЁКША (15.05.1914 – 18.08.1984). Жыў у Манчэстэры. Быў сябрам ХАБР, старшынём Акруговага цэнтру арганізацыі ў Манчэстэры, аднак у 1954 г. пакінуў пасаду ў знак пратэсту супраць стаўленьня Радаслава Астроўскага ў дачыненьні да БВР. Ад 1952 г. быў сябрам БВР, пазьней у часе расколу арганізацыі быў сябрам Камітэту БВР Сяргея Шчэрбы. Быў адным з удзельнікаў судовых працэсаў адносна маёмасьці БВР у Манчэстэры
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments