Наталля (hardzin) wrote,
Наталля
hardzin

Эміграцыйная гісторыя ў асобах. 24 жніўня. Янка Чарапук, Адам Чурыла, Аляксандр Жданковіч

ЯНКА ЧАРАПУК (псеўданім Змагар, 24.08.1896, Новы Двор Сакольскага пав. Гарадзенскай вобл. (сёння Падляскае ваяв., Польшча) — 16.11.1957, Чыкага, ЗША), палітычны дзеяч. Вучыўся на юрыдычным факультэце Пецярбурскага ўніверсітэта. У 1918 г. — супрацоўнік Міністэрства замежных спраў Украінскай Народнай Рэспублікі, чалец Беларускай рады на Украіне. Ад канца 1918 г. — на Гарадзеншчыне, быў сакратаром Цэнтральнай беларускай рады Віленшчыны і Гарадзеншчыны. Ад канца 1919 г. жыў у Рызе, працаваў сакратаром Вайскова-дыпламатычнай місіі БНР у Латвіі і Эстоніі, сябра Народнай Рады БНР. У 1922 г. выехаў у ЗША. Жыў у Чыкага. Адзін з ініцыятараў стварэння Беларускага народнага камітэта ў штаце Ілінойс, Беларуска-амерыканскага нацыянальнага клуба. Уваходзіў у міжнародную каталіцкую арганізацыю “Рыцары Калумба” (меў найвышэйшую ступень).

Czarapuk1
Рыцар Калумба Янка Чарапук

JankaCzarapuk
Арыгінальная візітоўка Янкі Чарапука

АДАМ ЧУРЫЛА (7.05.1911—24.08.1972). Нарадзіўся ў в. Круты Бераг (сёньня Нясьвіжскі раён) у сялянскай сям’і. Да 1932 г. працаваў у бацькі на гаспадарцы, далей служыў у польскім войску. У 1939 г. удзельнічаў у польска-нямецкай кампаніі, пазьбегнуў палону й вярнуўся дадому. У 1944 г. апынуўся ў Нямеччыне, адкуль у 1948 г. выехаў у Аўстралію. Актыўна ўдзельнічаў у арганізацыі беларускага жыцьця ў Сыднэі на пачатку 50-х гадоў, але падчас расколу на крывічоў і зарубежнікаў заняў прынцыповую пазыцыю супраць падзелу. Празь некаторы час далучыўся да арганізацыі “незалежнікаў” у Сыднэі. У 1967 г. падтрымліваў аб’яднаўчыя ініцыятывы і наступнае стварэньне Беларускага Культурна-Грамадзкага Клюбу. Ня меў уласнай сям’і, але здолеў за час жыцьця ў Аўстраліі заашчадзіць добрыя грошы і, паводле апошняга тэстамэнту, пакінуў адзін са сваіх дамоў Беларускаму Культурна-Грамадзкаму Клюбу. Пахаваны на беларуска-украінскай сэкцыі могільніку Роквуд у Сыднэі.

Гэта быў чалавек, дзякуючы смерці якога ў Сіднеі з'явіўся Беларускі дом.

Aus_Czuryla

АЛЯКСАНДАР ЖДАНКОВІЧ(24.08.1924 – 17.05.1996). Нарадзіўся ў в. Касьцюкі каля Шаркаўшчыны. Ад 16.02.1947 быў сябрам ЗБВБ, аднак далучыўся да апазыцыі і выйшаў з арганізацыі. Ад 1948 г. быў сябрам ХАБР, уваходзіў у Часовую ўправу арганізацыі, быў першым старшынём Лёнданскага акруговага цэнтру. Цягам усяго існаваньня ХАБР уваходзіў у Галоўную ўправу. У 1962 г. стаў стваральнікам беларускай школкі ў Лёндане. Ад 1956 г. уваходзіў у Краёвы штаб БВФ, у сярэдзіне 1960-х гг. спрабаваў адрадзіць дзейнасьць лёнданскага асяродку БВФ. У 1972 г. вярнуўся ў ЗБВБ, пастаянна абіраўся ў Галоўную ўправу, быў намесьнікам старшыні, сакратаром, у 1995 г. быў абраны на пасаду старшыні. Жыў і памёр у Лёндане, пахаваны на Greenford Park cemetery.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments