Наталля (hardzin) wrote,
Наталля
hardzin

Эміграцыйная гісторыя ў асобах: 25 жніўня. Пануцэвіч, Басяцкі, Ігар Шчорс

ВАЦЛАЎ ПАНУЦЭВІЧцэвіч (да эміграцыі Папуцэвіч, псеўданім Мікола Волаціч, 1910, в. Малая Альшанка Гарадзенскага пав. (сёння Гарадзенскі р-н) — 25.08.1991, Чыкага, ЗША), грамадскі дзеяч, гісторык, педагог. У 1936—1939 гг. вучыўся на юрыдычным факультэце Віленскага ўніверсітэта. Уваходзіў у склад Беларускага інстытута навукі і гаспадаркі, быў сябрам Беларускай хрысьціянскай дэмакратыі. У 1936 г. увайшоў у склад ініцыятыўнай групы па стварэнні Беларускага нацыянальнага фронту. У 1939—1941 гг. настаўнічаў у Гародні. Падчас нямецкай акупацыі працаваў на розных адміністрацыйных пасадах у Баранавічах. Ад лета 1944 г. — на эміграцыі. У 1945 г. узначаліў Беларускую гімназію імя М. Багдановіча ў Ватэнштэце. Ад 1946 г. кіраваў Згуртаваннем крывіцкіх скаўтаў на чужыне. У 1949 г. выехаў у ЗША. Жыў у Чыкага. Актывіст мясцовага аддзела БАЗА. Займаўся даследчыцкай дзейнасцю (вывучаў рэлігійную гісторыю Беларусі), браў актыўны ўдзел у арганізацыі грэка-каталіцкай парафіі Св. Хрыста-Збаўцы ў Чыкага. Рэдактар часопісаў “Беларуская царква”, “Літва”.

Некалі рабілі артыкул пра яго як гісторыка і публікавалі ягоную працу па гісторыі праваслаўнай царквы. Вельмі шмат ён пісаў і патрабуе адмысловай увагі, зрэшты, як і увесь беларускі асяродак у Чыкага.

Panucevicz

УЛАДЗІМЕР БАСЯЦКІ (25.08.1920 – ?) Нарадзіўся на Палесьсі. Служыў у Савецкай арміі, потым у беларускай паліцыі, 2-м Польскім корпусе, разам зь якім апынуўся ў Вялікабрытаніі. Жыў у Брадфардзе, Манчэстэры. Ад 04.02.1949 быў сябрам ЗБВБ. Ад 1952 г. перайшоў у апазыцыю. Быў кіраўніком аддзела БВР у Манчэстэры. Потым далучыўся да БВФ і быў сакратаром аддзелу гэтай арганізацыі ў Манчэстэры. Памёр у Манчэстэры

ІГАР ШЧОРС (25.08.1918, в. Новы Свержань (сёння Стаўпецкі р-н Мінскай вобл.)  12.10.1992, Саўт-Рывер, Нью-Джэрсі, ЗША), грамадскі дзеяч. Падчас нямецкай акупацыі — начальнік мінскай крымінальнай паліцыі, у 1944 г. — камандзір 27-га батальёна БКА. Ад лета 1944 г. — на эміграцыі. Жыў у лагеры ў Міхельсдорфе, належаў да тэатральнай трупы “Жыве Беларусь!” В. Селях-Качанскага. У 1949 г. выехаў у ЗША. Жыў у Саўт-Рыверы. Браў актыўны ўдзел у жыцці парафіі і грамадска-культурных арганізацыяў. Належаў да БККА.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments