Наталля (hardzin) wrote,
Наталля
hardzin

Эміграцыйная гісторыя ў асобах. 1 верасня. Ян Абабурка, Расціслаў Завістовіч

Пачынаю другі месяц свайго каляндара.

ЯНКА АБАБУРКА (01.09.1921—23.07.2009), рэлігійны дзеяч. Нарадзіўся ў в. Морач Нясьвіскага пав. (сёньня Клецкі р-н Менскай вобл.). Служыў у Арміі Андэрса. З 1946 г. у Вялікабрытаніі. Браў актыўны ўдзел у грамадзкім і царкоўным беларускім жыцьці ў Манчэстэры. Ад 18.07.1947 сябра ЗБВБ. Ад 1953 г. быў сябрам Згуртаваньня беларускіх камбатантаў (далей – ЗБК). 13 кастрычніка 1963 г. у Карлсруэ (Нямеччына) пасьвечаны ў сьвятары БАПЦ мітрапалітам УАПЦ Ніканорам (Абрамовічам). Ініцыятар набыцьця царквы Жыровіцкай Божай Маці ў Манчэстэры. Апекаваўся прыходамі БАПЦ у Манчэстэры, Брадфардзе, Нотынгеме, Бірмінгеме, Лёндане, Кембрыджы, кіраўнік БАПЦ у Вялікабрытаніі. Жыве ў Манчэстэры, па стане здароўя ад сярэдзіны 1990-х гг. абмежаваў сваю сьвятарскую дзейнасьць.

Мела гонар асабіста пазнаёміцца з айцом Янам ды запісаць з ім інтэрв’ю. Надзвычай цікавы быў чалавек і добры святар.Тэкст з нагоды ягонай смерці быў змешчаны тут: http://nn.by/index.php?c=ar&i=28059

Айцец Ян Абабурка ў 2005 г.


Высвячэнне а. Яна Абабуркі.

РАСЦІСЛАЎ ЗАВІСТОВІЧ (01.09.1928, Случчына — 28.11.2000), грамадскі дзеяч. У 1949 г. прыбыў у ЗША. Жыў у Саўт-Рыверы, браў удзел у моладзевым руху сябра Аб’яднання беларуска-амерыканскай моладзі. У першай палове 1950-х служыў у амерыканскай арміі ў Нямеччыне. Па дэмабілізацыі вучыўся ў Ратгерскім універсітэце (Нью-Джэрсі), па сканчэнні якога пераехаў у Вашынгтон. Перакладаў звароты БККА на англійскую мову, рыхтаваў тэксты, прысвечаныя беларускай тэматыцы, для Congressional Record. Ад сярэдзіны 1960-х на пэўны час адышоў ад актыўнай грамадскай працы, вярнуўшыся толькі ў 1990 г., калі ўзначаліў БККА.

Цікава, што ён быў асабіста знаёмы з Білам Клінтанам і меў з ім ліставанне.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments