Наталля (hardzin) wrote,
Наталля
hardzin

Эміграцыйная гісторыя ў асобах. 7 верасня. Леанід Карась

7 верасня 1954 г. у Мюнхене быў знойдзены забітым адзін з беларускіх супрацоўнікаў Радыё "Вызваленне" журналіст Леанід Карась. Гэта адна з шэрагу загадкавых (крымінальных) смерцяў беларусаў на Захадзе. У гэтым шэрагу можна згадаць мастака Аляксандра Раманоўскага, забітага ў Сіднэі, уладыку Васіля Тамашчыка з праламанаю галавою у Нью-Ёрку, можна згадаць самазабойцу Сцяпана Шнэка і іншых... З Леанідам Карасём, кажуць, усё было звязана як раз з працаю ў радыё і сцвярджаюць, што да гэтага мела дачыненне савецкая выведка. Афіцыйна забойцу не знайшлі. Небяспечная прафесія - беларускі журналіст.

ЛЕАНІД КАРАСЬ (20.11.1923, в. Дзямідзенкі Дзісенскага пав. — 07.09.1954, Мюнхен, Нямеччына), грамадскі дзеяч, журналіст. Працаваў настаўнікам. Ад лета 1944 г. апынуўся ў Нямеччыне. У беларускім лагеры ў Міхельсдорфе працаваў у лагернай ахове і вучыўся ў Беларускай гімназіі ім. Я. Купалы. Разам з іншымі сябрамі “Дванацаткі” ў 1948 г. як DP прыбыў у Вялікабрытанію. Працаваў у вугальных капальнях. Сябра ЗБВБ, Згуртавання беларускіх камбатантаў і БХАА “Жыццё”. У 1950 г. выехаў на навучанне ў Бельгію. Вучыўся на агранамічным факультэце Лювенскага ўніверсітэта. У пачатку 1954 г. пераехаў у Мюнхен, дзе працаваў у беларускай рэдакцыі радыё “Вызваленне”. Загінуў пры нявысветленых абставінах — цела з адзнакамі катаванняў знайшлі ў рацэ Ізар. Паводле адной з версіяў, да гэтага мела дачыненне савецкая выведка.


Леанід Карась. Лондан, 1948.


Дакументы, што меў пры сабе забіты Леанід Карась. Пашкоджаныя вадою пасведчанні перадалі ў архіў Скарынаўкі, дзе яны і захоўваюцца
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment