Наталля (hardzin) wrote,
Наталля
hardzin

Эміграцыйная гісторыя ў падзеях. 10 верасня. ЗБС "Бацькаўшчына"

10 верасня 1990 г. на адмысловым Устаноўчым сходзе было заснавана Згуртаванне беларусаў свету "Бацькаўшчына" - арганізацыя, што займаецца кансалідацыяй беларусаў у замежжы і ў метраполіі.
Сёлета дата не юбілейная, але ўсё ж добрая нагода, каб згадаць гэтую арганізацыю. За больш як два дзесяцігоддзі дзейнасці, багата было зроблена. У наступным годзе будзем адзначаць 20 гадоў ад правядзення Першага з'езду беларусаў свету і пройдзе чарговы ўжо Шосты такі з'езд.
За мінулыя гады былі наладжаныя сотні мерапрыемстваў, прысвечаных беларускаму замежжу, выдадзена багата кніг, у тым ліку працягваецца серыя "Бібліятэка Бацькаўшчыны", рэгулярна выходзіць бюлетэнь "Беларусы ў свеце". Назапасілася і ўласная бібліятэка Згуртавання, і цікавы архіў. Але галоўнае, што сапраўды наладзіліся кантакты і супрацоўніцтва з беларускімі суполкамі ў розных краінах. Багата ўжо зроблена, але шмат што яшчэ чакае рэалізацыі.
Таму з нагоды дня народзінаў арганізацыі, ВІНШУЮ ЎСІХ ЯЕ КІРАЎНІКОЎ, СЯБРАЎ І СУПРАЦОЎНІКАЎ МІНУЛЫХ І СЁННЕШНІХ ДЫ ЗЫЧУ НАМ ЎСІМ ПЛЁННАЙ ПРАЦЫ І НАДАЛЕЙ!


Вымпел з часоў Першага з'езду беларусаў свету.
Tags: арганізацыі, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment