Наталля (hardzin) wrote,
Наталля
hardzin

Эміграцыйная гісторыя ў асобах. 17 верасня. Павал Навара

ПАВАЛ НАВАРА (17.09.1927 – 24.05.1983), грамадзкі дзеяч. Нарадзіўся ў в. Купіск (сёньня Наваградзкі р-н Гарадзенскай вобл.). У 1942–1944 гг. вучыўся ў Наваградзкай настаўніцкай сэмінарыі. Зь вясны 1944 г. быў курсантам Менскай афіцэрскай школы БКА, разам зь якой быў далучаны да 30-й грэнадэрскай дывізіі СС. У верасьні 1944 г. разам з калегамі здаўся ў палон амэрыканцам ля в. Клэрваль (Францыя) і пазьней далучыўся да 2-га Польскага корпусу. Па сканчэньні падафіцэрскай школы ў Сан-Базыліё на поўдні Італіі браў удзел у баявых дзеяньнях на поўначы Апэнінаў. У жніўні 1946 г. прыбыў у Вялікабрытанію, дзе стаў адным з заснавальнікаў ЗБВБ і рэгулярна абіраўся ў Галоўную ўправу арганізацыі. Быў таксама сябрам ЗБК ад 1949 г. і БХАА “Жыцьцё” ад 1948 г. У 1952 г. скончыў факультэт матэматыкі, хіміі і фізыкі Лёнданскага ўнівэрсытэту. Працаваў хімікам у лёнданскіх лябараторыях. У 1954 г. быў адным зь ініцыятараў стварэньня Англа-беларускага таварыства. У Галоўнай управе ЗБВБ часта абіраўся на пасаду струшыні, а таксама доўгі час ў 1970-х быў сакратаром арганізацыі. Памёр і пахаваны ў Лёндане на St. Pancras cemetery.

Павал Навара з'яўляецца аўтарам цікавых успамінаў, што друкаваліся на старонках лонданскага часопіса "Голас часу". Здаецца, яны меліся выйсці і асобным кніжным выданнем у Беларусі. Калі хто ведае пра гэта, або нават мае асобнік - падзяліцеся. калі ласка, інфармацыяй.



Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments