Наталля (hardzin) wrote,
Наталля
hardzin

Эміграцыйная гісторыя ў асобах. 18 верасня. Міхась Ціхан

МІХАСЬ ЦІХАН (18.09.1919 — 2003). Нарадзіўся ў ваколіцах Баранавіч. Пасьля 1939 г. быў мабілізаваны ў Савецкую армію, удзельнічаў у ваенных дзеяньнях у Малдове, дзе патрапіў у нямецкі палон. Ад 1947 г. — у Аўстраліі. Удзельнік Першага зьезду сяброў Беларускага Аб’еднаньня ў Аўстраліі ў сакавіку 1950 г. Адзін з арганізатараў беларускага аддзелу міжнацыянальнай выставы з нагоды 50-годзьдзя Аўстралійскага Саюзу ў 1951 г., за што быў спэцыяльна адзначаны дыплёмам ад аўстралійскага ўраду. Пасьля расколу ў беларускім асяродзьдзі Сыднэю быў сябрам БЦРаўскага БАА. Адначасова сакратар Беларуска-Аўстралійскага Незалежнага Аб’еднаньня ў Новай Паўднёвай Валіі. Ад 1973 г. актыўны ўдзельнік Беларускага Культурна-Грамадзкага Клюбу, у якім у 1987 г. на адзін тэрмін быў абраны на старшыню.

У 2003 г. я яшчэ паспела пазнаёміцца з Міхасём Ціханам у Сіднэі на святкаванні 25 Сакавіка. Быў ён вельмі слабы і праз колькі месяцаў памёр. Здымкі ягонай у мяне няма, але ёсць здымка ўправы Беларускага-Культурна-Грамадскага Клубу ў Сіднэі. Яе і падаю. Кіраваў тады Міхась Лужынскі.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments