Наталля (hardzin) wrote,
Наталля
hardzin

Эміграцыйная гісторыя ў асобах. 25 верасня. Міхась Маскалік, Аўген Смаршчок, Язэп Балабановіч

МІХАСЬ МАСКАЛІК (18.03.1903, Гарадзея — 25.09.1965, Гільдэсгайм, Нямеччына), каталіцкі святар усходняга абраду, рэлігійны і культурна-грамадскі дзеяч. У 1927—1931 гг. вучыўся ў Віленскім універсітэце. Пазней вучыўся ў Берліне ў Тэхнічнай школе разам. Праз 2 гады пакінуў палітэхніку і да 1938 г. вывучаў тэалогію ў Мюнхене. У 1933 г. заснаваў “Саюз беларускіх студэнтаў у Нямеччыне”. 17 ліпеня 1938 г. атрымаў святарскія свячэнні. У гады вайны выконваў святарскія абавязкі сярод беларускіх і ўкраінскіх ваеннапалонных польскай арміі ў Баварыі. У выніку непаразумення ў 1943 г. быў арыштаваны, некалькі месяцаў правёў у канцлагеры Заксэнхаўзэн. Вызвалены дзякуючы намаганьням Папскай місіі ў Нямеччыне. Кароткі час працаваў пры Візітатуры ў Берліне. Пазней праводзіў душпастырскую дзейнасць у г. Гільдэсгайм.У пасляваенны час стала жыў у Госляры. Ініцыятар заснавання і кіраўнік Беларускай харытатыўнай службы, якая дапамагала беларускім і ўкраінскім бежанцам у Нямеччыне. Праводзіў душпастырскую дзейнасьць у парафіях Радэрборн, Оснабрук і Гільдэсгайм. У 1959 г. у Мюнхенскім універсітэце абараніў доктарскую дысертацыю па беларускай літаратуры: “Янка Купала — пясняр беларускага народу” (Janka Kupala. Der Saenger des weissruthenischen Volkstum. München. 1961) была выдадзена на нямецкай мове ў 1961 г. як манаграфія.

Беларуская царква ў Віндышбергердорфе. Айцец Міхась Маскалік з вернікамі.

АЎГЕН СМАРШЧОК (25.09.1914, м. Зэльва Слонімскага пав. Гарадзенскай губ., сёньня райцэнтар Гарадзенскай вобл. — 05.10.1984), сьвятар, пэдагог, перакладчык. Скончыў Сьвіслацкую настаўніцкую сэмінарыю (1934), настаўнічаў. У 1939 г. мабілізаваны ў войска, браў удзел у абароне Варшавы, трапіў у палон. У 1940 г. вызвалены. Працаваў на фабрыцы ў Бэрліне, вучыўся ў Бэрлінскім унівэрсытэце (псыхалёгія). У 1950 г. скончыў факультэт псыхалёгіі і філязофіі Філіпс-унівэрсытэту ў Марбургу. 3-га верасьня 1950 г. рукапаложаны ў ярэя БАПЦ ды пераехаў у Лювэн (Бэльгія) для абслугоўваньня рэлігійных патрэбаў мясцовых беларусаў, заклаў парафію БАПЦ. Абслугоўваў ня толькі беларусаў, але і праваслаўных украінцаў, грэкаў, сербаў, расейцаў, праваслаўныя парафіі ў вугальных шахтах у Лімбургу, выяжджаў у Францыю. У 1955 г. скончыў Лювэнскі ўнівэрсытэт са ступеньню магістар псыхалёгіі і фізязофіі. У 1960-х навучаўся ў Вольным Інстытуце Філялёгіі і Гісторыі Ўсходніх Славянаў Брусэльскага Ўнівэрсытэту, атрымаў ступень магістра славістыкі. У 1965—1980 гг. выкладаў расейскую мову ў Вышэйшай Флямандзкай Школе перакладчыкаў у Антвэрпэне. Зь ягонай сьмерцю праваслаўнае жыцьцё ў Бэльгіі фактычна спынілася.


Айцец Аўген Смаршчок у царкве.

ЯЗЭП БАЛАБАНОВІЧ (25.09.1920 –?). Нарадзіўся ў в. Сіняўская Слабада (сёньня Карэліцкі р-н Гарадзенскай вобл.). Падчас нямецкай акупацыі служыў у паліцыі, разам з фармаваньнямі якой ўлетку 1944 г. быў далучаны да 30-й грэнадэрскай дывізіі СС, перайшоў на бок саюзьнікаў, затым служыў у 2-м Польскім корпусе. Ад 25.01.1947 быў сябрам ЗБВБ, аднак далучыўся да апазыцыі і ад 1948 г. належыў да ХАБР. Быў вядомым баксёрам. У 1950-х гг. пераехаў у Канаду.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments