Наталля (hardzin) wrote,
Наталля
hardzin

Эміграцыйная гісторыя ў асобах. 27 верасня. Сымон Кандыбовіч

СЫМОН (СЯМЁН) КАНДЫБОВІЧ (на эміграцыі Кабыш, 21.07.1891, в. Старыца (сёння Капыльскі раён) — 27 (або 17).09. 1972(ці 1971), Мюнхен), грамадскі дзеяч. Скончыў Нясвіжскую настаўніцкую семінарыю, у 1917—1917 г. служыў у расійскай арміі, у 1922 г. – старшыня валаснога выканкама ў Бабруйскім павеце, дэлегат IV Усебеларускага з’езда саветаў, з 1926 г. — член кампартыі. Быў старшынём райвыканкама, загадчыкам акруговага фінансавага аддзела, акруговым інспектарам народнай асветы ў Гомелі. У 1931—1933 гг. — кіраўнік справаў Саўнаркама БССР, у 1935 г. – начальнік нарыхтовак упаўнаважанага Наркамхарчпрама СССР пры СНК БССР. У 1940 г. арыштаваны. Падчас нямецкай акупацыі займаў пасаду кіраўніка беларускай секцыі Цэнтральнай гандлёвай арганізацыі, якая займалася арганізацыяй паставак у Нямеччыну. 24 студзеня 1944 г. уключаны ў склад прэзідыума БЦР, узначальваў агульна-адміністрацыйны аддзел, затым — аддзел фінансаў. Ад 30 чэрвеня 1944 г. — на эміграцыі. Браў удзел у Пленуме БЦР 23 верасня 1945 г., на якім было прынята рашэнне аб прыпыненні яе дзейнасці. Ад 1954 г. працаваў у беларускай секцыі Радыё Вызваленне, ад 1963 г. — у Інстытуце вывучэння СССР у Мюнхене. Даследаваў пытанні эканамічнай гісторыі, аўтар працы “Разгром нацыянальнага руху ў Беларусі” (выйшла ў Мінску ў 2000 г., паглядзець кнігу можна тут: http://kamunikat.org/usie_knihi.html?pubid=3658) Ад 1956 г. Кандыбовіч быў рэферэнтам Сакратарыята Рады БНР па пытаннях народнай гаспадаркі. Цесць беларускага пісьменніка Янкі Юхнаўца.

Цікавы казус, у выдадзенай у Менску кнізе дата смерці Кандыбовіча пазначана 27 верасня 1972 г., а на помніку пазначана 17 верасня 1971 г.. Відаць трэба выпраўляць памылку ў біяграме...

Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 5 comments