Наталля (hardzin) wrote,
Наталля
hardzin

Эміграцыйная гісторыя ў асобах. 29 верасня. Дзмітры Сямёнаў

ДЗМІТРЫ СЯМЁНАЎ (11.06.1926 Менск — 29.09.1982, Нью-Ёрк), грамадскі дзеяч. Ягоныя бацькі, Аляксандр і Алёна з Турцэвічаў, былі эканамістамі з вышэйшаю асветаю. Падчас нямецкай акупацыі вучыўся ў фельчарскай школе і працаваў у Краязнаўчым (Гістарычным) музеі (пад кіраўніцтвам Антона Шукелойця). Ад 1944 г. — на эміграцыі. Спачатку быў у Нямеччыне, дзе ўдзельнічаў у беларускім скаўтынгу, пазней выехаў у ЗША. Вывучаў паліталогію ў Ратгерскім універсітэце, штат Нью-Джэрсі, але ж працаваў хімікам.

Дзмітры Сямёнаў ў 1943—1947 гг. вёў цікавы дзённік, які быў нядаўна знойдзены, дзякуючы ягонай дачцы Раіне, і зараз рыхтуецца да друку ў Менскі. У ім штодзённае жыццё падлетка ў акупаваным Менску, выезд на Захад улетку 1944 г., бадзянні на Берліне ды лагерах для ўцекачоў у Нямеччыне. Дзённік выйдзе ў Бібліятэцы часопіса “Беларускі гістарычны агляд”.

Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments