Наталля (hardzin) wrote,
Наталля
hardzin

Эміграцыйная гісторыя ў асобах. 1 кастрычніка. Васіль Кендыш, Павал Вялікі

Гэты дзень звязаны з імёнамі двух праваслаўных святароў на эміграцыі, праўда, з розных юрысдыкцый.

ВАСІЛЬ КЕНДЫШ (16.03.1908, в. Чарапы, Нясвіжскі пав. — 01.10.2003, Спрынгфілд, ЗША), грамадскі і рэлігійны дзеяч. У 1929 г. скончыў Клецкую беларускую гімназію. Вучыўся ў Найвышэйшай тэхнічнай школе ў Вільні. Працаваў меліяратарам, арганізоўваў беларускія драматычныя гурткі. У 1939—1941 гг. настаўнічаў. Скончыў Настаўніцкі інстытут у Беластоку. Падчас нямецкай акупацыі працаваў у беларускай адміністрацыі ў Баранавічах, Нясвіжы, Клецку. Ад лета 1944 г. – на эміграцыі. Жыў у лагерах DP у Нямеччыне. Быў сябрам Белерускага нацыянальнага камітэта на амерыканскую зону акупацыі. Актыўны ўдзельнік аднаўлення БАПЦ. Увесну 1949 г. выехаў у ЗША, жыў у Спрынгфілдзе. Радны БНР. Сябра БАЗА, ад 1953 г. — старшыня Спрынгфілдскага аддзела арганізацыі. 10 студзеня 1968 г. у Гайленд-Парку (Нью-Джэрсі) прыняў святарскі сан. Служыў у парафіях БАПЦ у Гайленд Парку (да 1973 г.) і ў Брукліне (да 1981 г.). У 1972 г. быў абраны сакратаром Кансісторыі БАПЦ. У 1990 г. выйшаў на заслужаны адпачынак.


а. Васіль Кендыш

ПАВАЛ ВЯЛІКІ (нар. 01.10.1925), рэлігійны дзеяч. Нарадзіўся ў в. Леніна (сёньня Лунінецкі р-н Берасьцейскай вобл.). Потым разам з бацькамі жыў у Мікашэвічах. У 1940 г. сям’я вывезена ў Сыбір. У 1942 г. уступіў у 2-гі Польскі корпус, разам зь якім прайшоў праз Іран, Палестыну, Эгіпет, браў удзел у ваенных дзеяньнях у Італіі, бітве за Монтэ-Касіна. У 1947 г. дэмабілізаваўся ў Вялікабрытаніі. Быў сябрам ХАБР. У 1957 г. быў пасьвячоны на дыякана, 23.04.1967 атрымаў сьвятарскія сьвячэньні. Належыў да юрысдыкцыі канстанцінопальскага патрыярха. Ад 1967 г. быў настаяцелем парафіі Сьв. Эўфрасіньні Полацкай у Лёндане, рэгулярна служыў у Сток-он-Трэнце, Сьвіндане, Манчэстэры. У красавіку 1973 г. перабраўся ў Канаду, дзе да 1998 г. служыў у праваслаўнай царкве Сьв. Эўфрасіньні Полацкай у Таронта. У 1993 г. на запрашэньне мітрапаліта Менскага і Слуцкага Філарэта наведваў Беларусь. Ад 1998 г. – на пэнсіі. Жыве ў Бэры (Антарыё, Канада).
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments