Наталля (hardzin) wrote,
Наталля
hardzin

Эміграцыйная гісторыя ў асобах. 11 кастрычніка. Айцец Міхась Шчурко

МІХАСЬ ШЧУРКО (1907—11.10.1972), рэлігійны дзеяч. Нарадзіўся ў в. Бялавічы (сёньня Івацэвіцкі раён Берасьцейскай вобласьці) у беларускай праваслаўнай сям’і. У 1948 г. быў адзін з ініцыятараў і ўдзельнікаў канферэнцыі ў Канстанцы (Нямеччына), на якой была адноўлена БАПЦ. Там жа быў рукапаложаны ў стан ерэя уладыкам Сяргеям (Ахатэнкам). 27.11.1949 г. разам з сям’ёй прыбыў у Аўстралію. У 1950 г. удзельнічаў у першым сходзе беларусаў Паўднёвай Аўстраліі. З таго ж году пачаў весьці набажэнствы для беларусаў у лягеры Вудсайд (каля Адэляйды). Працягваў сьвятарскую дзейнасьць разам з украінскімі сьвятарамі ў Адэляйдзе. Вёў богаслужбы для беларускіх вернікаў у арэндаваных памяшканьнях пакуль не была пабудаваная й пасьвечаная ў 1963 г. уласная царква Сьвятых Апосталаў Пятра й Паўла БАПЦ. На пасадзе настаяцеля беларускай парафіі заставаўся да канца свайго жыцьця.

Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments