Наталля (hardzin) wrote,
Наталля
hardzin

Эміграцыйная гісторыя ў асобах. 20 кастрычніка. Уладзімір Акавіты

УЛАДЗІМІР АКАВІТЫ (20.10.1925—22.01.2005), грамадзкі дзеяч. Паходзіць з Косава (цяпер Івацэвіцкі раён Берасьцейскай вобласьці). Вучыўся ў мясцовай рамеснай школе. Падчас нямецкае акупацыі служыў у беларускай паліцыі. Летам 1944 г. выехаў на Захад. Па капітуляцыі Нямеччыны апынуўся ў французкай зоне акупацыі, быў камэндантам лягеру для перамешчаных асоб. У 1949 г. выехаў у Аўстралію. Працаваў па кантракце на высьпе Тасманія, затым пасяліўся ў Адэляйдзе, дзе актыўна ўключыўся ў справу пабудовы беларускай царквы й наладжваньне беларускага рэлігійна-грамадзкага жыцьця. Доўгагадовы сябра парафіяльнай рады царквы сьвятых Апосталаў Пятра й Паўла. Браў удзел у дзейнасьці Беларускага Аб’еднаньня ў Паўднёвай Аўстраліі, у якім у розныя гады займаў пасады сакратара, “паблік афіцэра”. Аўтар зацемак пра жыцьцё беларусаў у Адэляйдзе на старонках газэты “Беларус”.

Сустракалася з ім таксама ў шпіталі, запісвала інтэрв'ю, якое ў кнігу не ўвайшло па тэхнічных прычынах. Але аповед быў вельмі цікавы і галоўнае, чалавек відавочна хацеў пра сябе распавесці, бо нават пытанняў не патрабаваў, проста сам распавядаў пра жыццё.

Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments