Наталля (hardzin) wrote,
Наталля
hardzin

Эміграцыйная гісторыя ў асобах. 21 кастрычніка. Аўген Занкавіч

АЎГЕН ЗАНКАВІЧ (ЗАНКОВІЧ) (21.10.1923, Шаркаўшчына — 07.12.1997, Саўт-Рывер), грамадскі дзеяч. Быў малодшым сынам у сям’і праваслаўнага святара Міхаіла Занкавіча. Падчас нямецкай акупацыі вучыўся ў Пастаўскай настаўніцкай семінарыі, быў кіраўніком СБМ у Паставах. З лета 1944 г. на эміграцыі. Жыў у Беларускім лагеры ў Ватэнштэце, быў кіраўніком лагернай паліцыі, адным з арганізатараў валейбольнай каманды “Нёман”. У канцы 1940-х пераехаў у ЗША, жыў у Саўт-Рыверы, браў удзел у грамадскім жыцці беларусаў у Нью-Джэрсі, спяваў у беларускім царкоўным і свецкім хорах. Пасля 14-га Пленума БЦР (верасень 1954) быў прызначаны намеснікам старшыні прэзідыума Пленума, г.зн. – быў 2-м віцэ-прэзідэнтам БЦР. Памёр 7 снежня 1997 г. Пахаваны на Беларускіх могілках у Саўт-Рыверы. Выгадаваў пяць дачок (жонка – Надзея Занкавіч).
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments