Наталля (hardzin) wrote,
Наталля
hardzin

Эміграцыйная гісторыя ў асобах. 24 кастрычніка. Лявон Рыдлеўскі і лёс яго магілы

ЛЯВОН РЫДЛЕЎСКІ (02.10.1903, в. Ульянавічы Магілёўскай губ. (сёння Чашніцкі р-н Віцебскай вобл.) — 24.10.1953, Лондан, Вялікабрытанія), грамадскі дзеяч. Каля 1908 г. пераехаў з бацькамі ў Слуцк. Вучыўся ў Слуцкай беларускай гімназіі. У 1920 г. далучыўся да слуцкіх паўстанцаў. Пасля раззбраення паўстанцаў на польскай тэрыторыі, у 1921 г., жыў у Вільні, дзе вучыўся на настаўніцкіх курсах. Скончыў Віленскую беларускую гімназію, у 1923 г. пераехаў у Прагу. Скончыў Політэхнічны інстытут (1928) з дыпломам інжынера. У 1929 г. разам з М. Абрамчыкам выехаў у Францыю. У 1930 г. стаў адным з арганізатараў Хаўрусу беларусаў у Францыі. Падчас Другой сусветнай вайны быў у шэрагах французскага Супраціву. Па вайне вярнуўся ў Парыж, дзе актыўна ўдзельнічаў у стварэнні Аб’яднання беларускіх работнікаў у Францыі, выданні “Беларускіх навінаў”, быў сакратаром Прэзідыуму Рады БНР. У сувязі з рэзкім пагаршэннем здароўя (рак) і цяжкім матэрыяльным становішчам пераехаў у Лондан пад апеку а. Часлава Сіповіча, дзе неўзабаве памёр. Пахаваны на Hampstead cemetery.


Лявон Рыдлеўскі
Ён быў цікавы чалавек. І цікавы таксама аказаўся лёс ягонай магілы.


У Лявона Рыдлеўскага не было на эміграцыі сваякоў. Таму Згуртаванне беларусаў у Вялікабрытаніі на ўласны кошт паставіла на магіле слуцкага паўстанца невялікі помнік.

Аднак могілкі, на якіх быў пахаваны Рыдлеўскі, былі далекавата ад беларускага цэнтру ў Лондане і доўгі час магіла не даглядалася. Калі мы шукалі яе ў 2007 г. высьветлілася, што помніка даўно няма.

Было пастаўлена пытанне аднаўлення помніка на магіле Лявона Рыдлеўскага. І ЗБВБ зноў паставіла яго. Так што ў гэтым годзе я змагла зрабіць здымак новага помніка на старой магіле Лявона Рыдлеўскага
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments