Наталля (hardzin) wrote,
Наталля
hardzin

Эміграцыйная гісторыя ў асобах. 26 кастрычніка. Хведар Высоцкі, Даніла Клінцэвіч

ХВЕДАР ВЫСОЦКІ (часам Тодар, 26.10.1887, Новы Сьвержань (сёньня Стаўпецкі р-н Менскай вобл.) — 17.09.1976, Саўт-Рывэр), грамадзкі дзеяч. Нарадзіўся ў сялянскай незаможнай сям’і. Скончыў царкоўна-прыходзкую школу, вывучыўся на бухгальтара й рахункавода. Працаваў чыноўнікам на чыгунцы. Перад Першай сусьветнай вайной узяў шлюб з Кацярынай Падбелай. З 1944 г. — на эміграцыі. Зь верасьня 1949 г. — у ЗША, пасяліўся ў Саўт-Рывэры. Браў актыўны ўдзел у беларускім грамадзкім жыцьці: ЗБАДК і БККА. Стараста (1950—1971, зь невялікімі перапынкамі) парафіі сьв. Эўфрасіньні Полацкай. Пахаваны на беларускіх могілках у Саўт-Рывэры.


Магіла Хведара Высоцкага на беларускім могільніку ў Саўт-Рыверы.

ДАНІЛА КЛІНЦЭВІЧ (22.12.1905, в. Макуці Ашмянскага пав. Віленскай губ. (сёньня Івейскі р-н Гарадзенскае вобл.) — 26.10.1967 Нью-Ёрк), грамадзкі дзеяч. Далучыўся да беларускага руху ў міжваенны час. У часе нямецка-савецкай вайны быў капітанам 13га Беларускага батальёну. Пасьля Другой сусьветнай вайны — на эміграцыі ў ЗША. Сябра БАЗА, у 1959—1960, 1961—1964 гг. быў старшынём Управы Нью-Ёрскага аддзелу. Актывіст ЗБАВ; ініцыятар выданьня (разам з Г. Паланевічам) газэты “Беларус”.

Магіла Данілы Клінцэвіча на могілках у Іст-Брансвіку.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments