Наталля (hardzin) wrote,
Наталля
hardzin

Эміграцыйная гісторыя ў асобах. 5 лістапада. Святаслаў Коўш

СВЯТАСЛАЎ КОЎШ (07.01.1917, Вільня (паводле іншых звестак – мястэчка Ілья (сёння Вялейскі р-н Мінскай вобл.) — 05.11.1997, Саўт-Рывер, ЗША), рэлігійны і грамадскі дзеяч, праваслаўны святар, сын А. Каўша. Скончыў факультэт права Віленскага ўніверсітэта, сябра Беларускага студэнцкага саюза. У 1938 г. высвечаны на дыякана. У 1938—1939 гг. — псаломшчык у Засуллі (Стаўпецкі р-н), у 1939—1941 гг. працаваў тамсама настаўнікам. Падчас нямецкай акупацыі быў начальнікам Клецкага павета. Ад лета 1944 г. — на эміграцыі. У паваеннай Нямеччыне быў камендантам беларускага лагера ў Ватэнштэце. У 1949 г. выехаў у ЗША. Адзін з ініцыятараў стварэння беларускай праваслаўнай парафіі ў Саўт-Рыверы. У 1951—1957 гг. быў віцэ-старшынём Галоўнай управы БККА. У 1969—1976 гг. — настаяцель парафіі Св. Кірылы Тураўскага ў Рычманд-Гіле, у 1976—1986 гг. — парафіі Св. Ефрасінні Полацкай у Саўт-Рыверы. Па смерці а. Мікалая Лапіцкага — ад 1976 г. — быў адміністратарам беларускіх (кананічных) парафіяў у Паўночнай Амерыцы. Аўтар кніг: “Тры легенды” (1946), “Запавет бацькі” (1948), “Лагер Ватэнштэт” (1976), “Русальчына балада” (1980), “Беларускі лагер у Ватэнштэт” (1981).
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment