Наталля (hardzin) wrote,
Наталля
hardzin

Эміграцыйная гісторыя ў асобах. 19 лістапада. Зыгмунт Сянкевіч

ЗЫГМУНТ СЯНКЕВІЧ (22.09.1925 – 19.11.1992), грамадзкі дзеяч. Паходзіў зь Ляхавічаў Баранавіцкага пав. (сёньня Ляхавіцкі р-н Берасьцейскай вобл.). Брат Генрыка Сянкевіча. Быў у СБМ. На сканчэньні Другой сусьветнай вайны апынуўся ў Арміі Андэрса, разам зь якой у 1946 г. прыбыў у Вялікабрытанію. Жыў у Ковэнтры. Ад 24.12.1946 быў сябрам ЗБВБ, а таксама сябрам ЗБК ад 1949 г. У 1955 г. выконваў абавязкі намесьніка старшыні БАКА “Рунь”.
Паводле ўспамінаў розных асобаў, ён быў вельмі інтэлігентны чалавек. Успамін Зыгмунта Сянкевіча пра ўдзел у СБМ быў апублікаваны ў кнізе Алеся Вініцкага. Таксама згадка і цытата з яго ёсць у кнізе Юрыя Туронка “Людзі СБМ”.
Калі была ў 2005 г. у Ковентры, бачыла ўнучку Сянкевіча, якая актыўна збірала матэрыялы з сямейнай гісторыі і паказвала нават напісаны тэкст школьнай (ці якой яшчэ) працы з гэтай нагоды. Аднак тэкст яна мне не дала, як не маю, на жаль, і ніводнага здымку Зыгмунта Сянкевіча. Пра што вельмі шкадую.
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments