Наталля (hardzin) wrote,
Наталля
hardzin

Эміграцыйная гісторыя ў асобах. 23 лістапада. Раіса Станкевіч

РАІСА СТАНКЕВІЧ (нар. 23.11.1941, Наваградак), грамадская дзяячка, дачка Станіслава і Зінаіды Станкевічаў. Жыла зь сям’ёю ў Мюнхэне, вучылася ў нямецкай школе. У 1958 г. прыехала ў ЗША. У 1973 г. скончыла універсітэт св. Яна ў Нью-Ёрку, дзе атрымала ступень магістра біялагічнай хіміі. Пры канцы 1960-х гг. была выхавальніцай у беларускім дзіцячым садку. Належала да Белеруска-амерыканскага рэспубліканскага клубу ў Нью-Ёрку (з 1970). Старшыня рэдкалегіі часопіса «Беларуская Моладзь»/Byelorussian Youth. У 1970-х гг. — сябра Галоўнай управы БАЗА і Управы Нью-Ёрскага аддзелу БАЗА. Сябра рэдкалегіі газеты «Беларус» і яе шматгадовы скарбнік. Старшыня Нью-Ёрскага аддзелу ЗБАМ, старшыня АБАМ, радная БНР. У 1980-х гг. — сакратар Рады дырэктараў Славянскай харытатыўнае рады. У 1987 г. скончыла факультэт русістыкі Гантэрскага коледжу Гарадскога ўніверсітэту Нью-Ёрку, абараніўшы магістарскую працу на тэму з гісторыі Беларусі пачатку ХХ ст. Сябра Адміністрацыйнага камітэту Фундацыі імя І. Любачкі. Шмат гадоў працавала ў даследчай лабараторыі Слоўн-катэрынскага цэнтру вывучэньня раку (Манхэтан, г. Нью-Ёрк). Жыве ў Нью-Ёрку.

На жаль, тая здымка яе, якую маю - дзіцячая з бацькамі, якую я ўжо публікавала раней. Затое ёсць часопіс, які яна некаторы час рэдагавала.

Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments