Наталля (hardzin) wrote,
Наталля
hardzin

Эміграцыйная гісторыя ў асобах. 1 снежня. Міхась Кавыль

МІХАСЬ КАВЫЛЬ (сапр. Язэп Лешчанка, нар. 01.12.1915 г. в. Покаршава (сёння Слуцкі р-н Мінскай вобл.), пісьменнік, рэдактар, грамадскі дзеяч. У 1930—1933 гг. — вучыўся ў Беларускім педагагічным тэхнікуме. Быў сябрам “Маладняка”. 23 лютага 1933 г. арыштаваны і асуджаны на 3 гады. Пакаранне адбываў на Далёкім Усходзе. У канцы кастрычніка 1935 г. датэрмінова вызвалены. Жыў у Варонежы (1935—1938), вучыўся ў педагагічным інстытуце на літаратурным факультэце (1936—1938), працаваў настаўнікам. У 1941 г. — у Чырвонай Арміі, трапіў у нямецкі палон, праз некаторы час быў вызвалены. Скончыў прапагандысцкія курсы ў Вустраве пад Берлінам, на якіх рыхтавалі будучых кіраўнікоў СБМ, працаваў у аддзеле прапаганды ў Мінску. Ад 1944 г. — на эміграцыі, спачатку ў Нямеччыне, потым у Бельгіі. У 1950 г. выехаў у ЗША, пасяліўся ў Саўт-Рыверы. Першы рэдактар газеты “Беларуская трыбуна”. У 1950-х гг. браў актыўны ўдзел у працы БККА. Ад 1983 г. быў сталым рэдактарам часопіса “Беларуская думка”. Выдаў зборнікі паэзіі “Ростань” (Рэгенсбург, 1947), “Пад зоркамі белымі” (Нью-Ёрк, 1954), “Першая рана” (Манчэстэр, 1960), “Цяжкія думы” (ЗША, 1961), “Міжагнёўе” (Нью-Ёрк, 1990).

Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment