Наталля (hardzin) wrote,
Наталля
hardzin

Эміграцыйная гісторыя ў асобах. 4 снежня. Францішак Бартуль

ФРАНЦІШАК БАРТУЛЬ (15.11.1918 – 04.12.2005), грамадзкі дзеяч. Нарадзіўся ў в. Бярозкі (сёньня Латвійская Рэспубліка). У 1937 г. скончыў сярэднюю школу ў Дзьвінску (Даўгаўпілс). У 1940 г. мабілізаваны ў Чырвоную Армію, трапіў у нямецкі палон і апынуўся ў Штэтыне (Шчэцін, Польшча). Дзякуючы веданьню нямецкае мовы быў прызначаны перакладчыкам і адпушчаны на адпачынак у Дзьвінск, адкуль назад не вярнуўся. У 1943 г. скончыў Віленскую беларускую настаўніцкую сэмінарыю. Вучыўся ў Менскай афіцэрскай школе БКА (1944). Зь ліпеня 1944 г. на выгнаньні. Спачатку знаходзіўся ў Кёнігсбэргу, працаваў у Камітэце самапомачы. У 1944–1945 гг. вучыўся на філязофскім факультэце Мюнхэнскага каталіцкага ўнівэрсытэту, пазьней – на філязофскім факультэце Грыгарыянскага ўнівэрсытэту ў Рыме. Адтуль перабраўся ў Вялікабрытанію, атрымаў спэцыяльнасьць тэхніка-дантыста. Ад 24.12.1946 быў сябрам ЗБВБ, а ў 1949 г. быў абраны старшынём арганізацыі. Пазьней выконваў іншыя функцыі ў Галоўнай управе ЗБВБ. Быў сябрам ЗБК ад 1949 г., адным са стваральнікаў Беларускага хрысьціянскага акадэмічнага аб’еднаньня “Жыцьцё” і Беларускага акадэміцкага каталіцкага аб’еднаньня “Рунь”. У 1956 г. разам з жонкай Верай Касьцюкевіч выехаў у ЗША. Жыў у Нью-Ёрку, дзе меў дантыстычную майстэрню. Стаў актыўным ўдзельнікам беларускага жыцьця. Уваходзіў у кіраўніцтва БАЗА і яго ньюёрскага аддзелу, сябрам рэдкалегіі газэты “Беларус”, ад 1982 г. старшынём Рады дырэктароў Фундацыі імя П. Крэчэўскага, радным БНР. Памер у Мангэсэце на Лонг-Айлэндзе (штат Нью-Ёрк). Пахаваны на могілках у Іст-Брансьвіку.

Пра ягоную жонку я ўжо пісала тут: http://hardzin.livejournal.com/56941.html


Францішак Бартуль у Лондане.

Магіла Веры і Францішка Бартуляў
Tags: асобы, каляндар, эміграцыя
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments